Милан и Манчестер Јунајтед се „тепаат“ за талент на Бенфика

Манчестер Јунајтед се вклучи во битката за потписот на талентот на Бефика, Флорентино Луис, пренесуваат медиумите на Островот.

20-годишниот играч за врска важи за еден од најголемите таленти во Европа и веќе е незаменлив дел од лисабонскиот тим, а има откупна клаузула од 120 милиони евра.

За него силен интерес покажува Милан и веќе започна преговори со неговиот агент, а сега во трката за потписот се вклучи и Манчестер Јунајтед.

Бенфика е спремна да се раздели со својот „бисер“ и постави цена од 50 милиони евра.

„Флорентино е еден од најдобро рангираните млади дефанзивно ориентирани плејмејкери и има  сериозна конкуренција за негов ангажман. Точно е дека многу се зборува за интересот од Милан но има и клубови од Англија, Германија и Шпанија кои го следат долго време“, изјави неговиот агент.