Барса купи голем бразилски талент

Барселона ќе го купи младиот напаѓач на Сао Паоло, Густаво Маја, потврдија медиумите во Шпанија.

Неодамна шпанските медиуми пренесоа дека Каталонците го договориле 19-годишниот талент на Сао Паоло, Густаво Маја.

Барселона тогаш плати еден милион евра (како капар), а требаше да доплати 3,5 милиони за да го донесе фудбалерот на „Камп Ноу“. Рокот за тоа истекува на 30 јуни кога Барса би добила 70% од сопственоста на младиот фудбалер.

Раководството на Барселона веќе го информирало бразилскиот клуб дека ќе ги доплати останатите 3,5 милиони евра за да го добие потписот на младиот талент. Остантаите 30% од правата ќе продолжат да бидат во сопственост на Сао Паоло.

Маја веќе учи шпански јазик и се подготвува за неговото доаѓање во Барселона. Тој  може да игра на сите позиции во нападот и во Бразил му предвидуваат блескава иднина.