Мурињо се откажа од Кутињо

Играчот од средниот ред на Барселона, Филипе Кутињо, кој игра на позајмица за Баерн, нема да се пресели во Тотенхем, пренесува „Марка“.

Тренерот на „спарси“, Жозе Мурињо не е заинтересиран за трансфер на 27-годишниот играч. Тотенхем не може да си дозволи да ја плати цената на трансферот на Бразилецот, ниту да ја плати неговата плата, која изнесува околу 15 милиони евра годишно.

Кутињо е на радарот на неколку клубови од Премиер лигата, а последните информации се дека најсилен интерес за неговиот потпис покажуваат Челзи и Њукасл.

Бразилецот оваа сезона за Баерн Минхен одигра 32 меча на кои постигна 9 гола и запиша 8 асистенции