Јунајтед, Сити и Ливерпул во битка за Адама Траоре

Манчестер Јунајтед е последниот гигант кој се вклучи во трката за потписот на напаѓачот на Вулверхемптон, Адама Траоре, пренесуваат медиумите на Островот.

24-годишниот Траоре е продукт на школата на Барселона, а покажува одлични партии во дресот на Вулверхемптон и го привлече вниманието на Манчестер Сити и Ливерпул.

Клубот од „Олд Трафорд“ го сака Траоре поради неговата поливалентност бидејќи може да игра како крило, но и како централен напаѓач.

Меѓутоа Јунајтед има силна конкуренција за неговиот потпис бидејќи за Траоре силен интерес покажуваат Сити, Ливерпул и Баерн Минхен.

Договорот на Траоре со Волвс истекува после три години, што значи дека неговата цена е многу висока во моментов.