Мусакио го напушта Милан и се враќа во Шпанија

Матео Мусакио го загуби местото во првиот тим на Милан, откако пристигна Симон Кјаер, па е спремен да ја промени средината ова лето.

Таквата ситуација сака да ја искористи Валенсија, која во Мусакио гледа идеално засиливање за одбраната.

„Лилјаците“ веќе стапиле во контакт со неговиот агент и се спремни да му понудат 4-годишен договор на искусниот Аргентинец.

Неговиот договор со Милан истекува во 2021 година, па „росонерите“ се спремни да го продадат ова лето за 10 милиони евра.

Меѓутоа, Валенсија ќе треба да се избори со конкуренцијата, бидејќи за Мусакио интерес покажуваат уште Севиља и Бетис.