Манчестер Јунајтед спреми 100 милиони за „пакет“ од Лајпциг

Манчестер Јунајтед нема да биде премногу погоден со финансиска криза.

Менаџерот на „црвените ѓаволи“, Оле Гунар Солскјер ќе има огромни средства за засилувања во текот на летото, а неколку врвни имиња се поврзуваа со доаѓање на Олд Трафорд.

Медиумите на Островот пренесуваат дека Јунајтед спремил понуда од 100 милиони евра за двете ѕвезди на германскиот клуб Лајпциг.

Се бара фудбалер кој ќе му помага на Мегвајер во одбраната, а прва мета е дефанзивецот на Лајпциг, Ибраима Конате, кој е проценет на 40 милиони евра.

Солскјер го сака и напаѓачот Тимо Вернер, кој има откупна клаузула од 60 милиони евра, па е спремен да ги донесе двајцата фудбалери во „пакет“.