Студен туш за Мурињо: Нема пари за летни трансфери!

Претседателот на Тотенхем, Даниел Леви му соопштил на менаџерот на тимот Жозе Мурињо дека ова лето треба да се сконцентрира само на слободни агенти.

Мурињо нема да добие буџет за летни трансфери и ќе може да потпишува само со слободни агенти, а тоа сериозно ги промени плановите на Португалецот, кој сакаше сериозно да го засили тимот.

Мурињо ова лето ќе остане без Мишел Ворм и Јан Вертонген, па треба да донесе нивна земена, притоа има потреба од еден играч за врска и еден напаѓач.

Тотенхем трпи сериозни финансиски загуби поради пандемијата, па ги намали платите на сите вработени и поради тоа претседателот нема да оддели средства за летни трансфери.

Единствен начин Тотенхем да биде активен на трансфер пазарот е да продаде една своја ѕвезда, а се поизвесно е дека тоа ќе биде Хари Кејн.