Погба откри со кој соиграч би живеел во карантин

Ѕвездата на Манчестер Јунајтед, Пол Погба откри дека дефанзивецот Ерик Баи е соиграчот со кого би избрал да живее во карантин.

Французинот откри со кои соиграчи е најблизок и има најдобри односи, но сепак го избра Баи како „цимер“ во карантин.

„Постојано комуницирам со Ерик Баи, со Переира, Линделоф, Мата, Лингард... разговараме, разменуваме пораки итн. Ја поддржуваме релацијата виртуелно“, откри Погба.

„Со кого би живеел заедно во карантин? Со сигурност тоа е Ерик Баи. Со него можам да се смеам по цел ден“, откри Погба, кој додаде дека ја одржува формата со фитнес тренинзи.