Баерн и Интер блиску до договор: Перишиќ останува во Минхен

Баерн Минхен донесе конечна одлука кога е во прашање иднината на хрватскиот интернационалец Иван Перишиќ.

Крилниот напаѓач е во сопственост на италијанскиот гигант Интер, но актуелната сезона игра како позајмен играч на „Алијанц Арена“.

Иако првично се тврдеше дека Баварците нема да го откупат Хрватот, сепак ја промениле одлуката и веќе го известиле раководството на Интер.

„Нероаѕурите“ се спремни да понудат и попуст на првично договорената сума, па двата клуба се блиску до договор за трансфер „тежок“ 20 милиони евра.