Играчите на Арсенал сепак прифатија намалување на платите

Арсенал денеска ја информира јавноста дека после неколку дена преговори постигнат е договор со играчите и стручниот штаб за намалување на платите.

Па така, играчите и тренерите на Арсенал од овој месец ќе земаат пониска плата за 12,5%.

Откако сезоната ќе продолжи и играчите успеат да ги исполнат целите на клубот парите ќе им бидат вратени.

Од Арсенал не сакаа да кажат за кои цели се работи, но веројатно се работи за пласман во Лига на шампиони.

Исто така од клубот истакнаа дека се горди на играчите и стручниот штаб бидејќи покажале единство во овие тешки моменти.