Познатиот италијански тенисер призна: Крадев опрема од тениските турнири

Брачниот пар Фабио Фоњини – Флавија Пенета гостуваше во серијаталот „Тенис Јунајтед“ и во таа прилика откри некои интересни детали.

Светски познатиот тенисер и тенисерката одговараа на некои интересни прашања, а едно од нив гласеше: Дали некогаш сте краделе опрема од тениските турнири?

Фоњини даде јасен одговор:

„Лесно прашање. Да, крадев опрема како еластични стегачи за загревање“, изјави Италијанецот, а Флавија исто така даде потврден одговор.

Едно од прашањето беше дали некогаш започнале натпревар без загревање. Тоа Флавија не го одговори, а Фабио повторно беше искрен и одговори потврдно.

Инаку, за Фоњини ова не е некое изненадување со оглед на тоа дека на теренот често се однесува како вистински бунтовник. Тие двајца се во врска од 2014 година, а во брак од 2016.