Пакета го напушта Милан, позната и цената

Лукас Пакета оваа зима беше на излезни врати од Милан, но на крајот остана на „Сан Сиро“.

Младиот бразилски фудбалер во Милан пристигна од Фламенго, „росонерите“ за него платија скоро 40 милиони евра и очекуваа многу од него.

Пакета на почетокот изгледаше како добро засилување, но во вториот дел од сезоната се изгуби и пред прекинот на првенството скоро и да не играше. Во првиот дел од сезоната одигра 15 натпревар и беше еден од најстандардните во екипата на Милан, меѓутоа потоа работите се променија.

Италијанските медиуми сега пишуваат дека Бразилецот сигурно ќе си замине на лето. Клубот кој засега покажал најголем интерес за Пакета наводно е Фиорентина тие според информациите се спремни да понудат околу 30 милиони евра.