По медиумите и навивачите удрија по Адеми: Беше фудбалски мртов, Динамо го оживеа – срамно!

Aдеми и Динамо Загреб деновиве покрај коронавирусот се една од главните теми во медиумите на овие простори.

Ќе потсетиме, Динамо побара од играчите за време додека е се стопирано да добиваат помала плата со цел клубот да може полесно да го надмине кризниот период. Меѓутоа тој предлог тие не го прифатија.

По одбивањето Хрватите „фрлаат со дрва и камења“ со играчите, а Адеми кој е капитенот на тимот посебно е истакнат и добива најголеми критики. Вчера го критикуваа медиумите (тука), додека сега може да се прочитаат и голем број незадоволни коментари од хрватските навивачи.

„Неверојатно е што Адеми одбива, а Динамо му даваше плата додека беше суспендиран, беше фудбалски мртов, го вратија и го оживеаа повторно…Од срам би играл бесплатно после тоа, а не да го прави ова. На страна дека платите им се срамни во однос на обичниот човек, учиш 10 години медицина за да можеш да спасуваш животи и за тоа имаш плата како келнер, додека овие имаат милиони со основно и трчаат по топка. И нека, треба да биде крај на светот“, гласи еден од коментарите.