Роналдињо во затворот го учи столарскиот занает

Легендарниот бразилски фудбалер Роналдињо веќе некое време се наоѓа во парагвајскиот затвор Асунсион.

Роналдињо заедно со неговиот брат беше уаспен поради обид илегално да влезе во земјата и сега го чека судењето.

Во саботата Рони го прослави 40. Роденден, нешто порано тој го освои и затворскиот турнир во фудбал, а сега „ЕСПН“ пишува дека легендарниот фудбалер си нашол ново хоби.

Наводно тој во затвор започнал да го учи столарскиот занает. Звучи интересно и чудно, меѓутоа „ЕСПН“ е реномиран медиум кој не важи за таблоид, па затоа и можеме да му веруваме.

Тие во текстот додаваат дека на Роналдињо најмногу му недостасуваат неговата мајка и музиката.

Инаку, судот неодамна го одби неговото барање за излегување од затвор поради страв од бегство.