Милер е лут на Баерн – се сели во Серија А

Ѕвездата на Баерн Минхен, Томас Милер е многу лут на раководството на својот клуб, особено на спортскиот директор Хасан Салихамиџиќ.

Милер веќе стекна легендарен статус во баварскиот клуб, но „Билд“ тврди дека е лут на раководството бидејќи не добива таков третман. Тој е лут бидејќи клубот започнал преговори за нов договор со Мануел Ноер, а со него не.

Поради тоа неговиот агент веќе бара нов ангажман, а најсилен интерес за Милер покажуваат трите гиганти од Серија А, Интер, Милан и Јувентус.

Договорот на Милер со Баерн истекува во 2021 година, па на лето ќе влезе во последната година од договорот и ќе може да замине за „симболична“ сума.

Милер е легенда на баварскиот клуб каде веќе одигра 521 натпревар, на кои постигна 195 голови.