Паника на Островот: Газдата на англиски клуб заразен со коронавирус

Сопственикот на англискиот второлигаш Нотингем Форест, како и на грчки Олимпијакос, Евангелос Маринакис потврди дека е заразен од коронавирусот.

Грчкиот бизнисмен на Инстаграм потврди дека е носител на коронавирусот и дека ги следи препораките на лекарите.

„Овој вирус ме „посети“ и чувствувам обврска тоа да го објавам. Во овој момент сум добро и ги преземам сите мерки од советите на докторите. Строго ги советувам моите сограѓани да бидат трпеливи и да го направат истото“, објави Маринакис.

Логична е загриженоста на Островот бидејќи тој  во петокот присуствувал на меч каде на трибините имало 27.000 гледачи, а потоа се ракувал со фудбалерите на Нотингем Форест.

Притоа бил присутен на трибините и на мечот од Европа Лигата помеѓу Вулверхемптон и Олимпијакос.

From the official Instagram account of #nffc owner Evangelos Marinakis.
He was at the Forest-Millwall game on Friday night.#coronavirus pic.twitter.com/rKf5w9jN04

— BBC Nottingham Sport (@BBCRNS) March 10, 2020