Претседателот на УЕФА, Александар Чеферин откри дека од Централата ги следат одлуките за можното одложување на дуелот помеѓу Јувентус и Лион во Лигата на шампионите.
Јувентус беше поразен со 1-0 од Лион во првиот осминафинален натпревар од Лигата на шампионите. Реваншот на овие екипи ќе се одигра на 17 март во Торино, но овој натпревар во моментов е под знак прашалник поради епидемијата на коронавирус која владее во северна Италија изминативе десетина дена.
Претседателот на УЕФА, Александар Чеферин, изјави дека се уште е рано да се зборува за овој натпревар, но дека ситуацијата внимателно се следи.
„Ние многу внимателно ги следиме настаните на епидемијата на коронавирус. Во моментов нема приказни за откажување натпревари. Ние го следиме развојот на ситуацијата во сите земји кои имаат претставници во европските натпреварување во нокаут и сигурно ќе знаете секоја одлука”, изјави Чеферин.
Учество во игри на среќа е дозволено за лица со 18+ години. Играј одговорно!