Дербито без голови: Мицевски во 97-ма промаши пенал

Дербито помеѓу Вардар и Работнички кое се играше без гледачи заврши и без голови.

Причина да жалат имаат „црвено-црните“ кои пропуштија одлична шанса за победа, откако Дарко Мицевски во 97-та минута од мечот промаши пенал.

Пецов играше со рака во шеснаесетникот, а судијата покажа на белата точка.

Мицевски го изведе пеналот, но голманот на Работнички Ристо Јанков со одлична одбрана донесе бод за „романтичарите“.