Зидан: Гвардиола е најдобриот тренер во светот

Со три освоени трофеи во Лигата на шампиони, Зинедин Зидан е над сите тренери во најелитното натпреварување.

Меѓутоа, тренерот на Реал Мадрид уште еднаш покажа големина и пред дуелот со Манчестер Сити во ЛШ го посочи Пеп Гвардиола како најдобар тренер во светот.

„Ова не е дуел помеѓу Пеп и Зизу, ова е Реал Мадрид против Манчестер Сити. За мене Гвардиола е најдобриот тренер на светот. Секогаш покажува дека е број 1, прво во Барса, па во Баерн и сега во Сити“, изјави Зидан, кој призна дека често има комуникација со Каталонецот.

„ Во 2015 година поминав неколку дена кај него во Баерн, ги гледав тренинзите и на каков начин го води тимот. Пеп ми даваше многу совети, бидејќи двајцата секогаш сме биле искрени еден кон друг“, додаде Зидан.