Јунајтед сака да плати 30 милиони фунти за 16 годишен тинејџер од Чемпионшип?

За Манчестер Јунајтед не е ништо ново да потроши голема сума на некој фудбалер, но последните информации се навистина чудни.

Англиски „Сан“ пишува дека Јунајтед спремил понуда од 30 милиони фунти за да го доведе 16 годишниот фудбалер на Бирмингем Џуд Белингем.

Белингем има само 16 години и зад себе 25 настапи во Чемпионшип и Лига Купот од почетокот на сезоната, постигна четири гола и запиша една асистенција.

За овој млад фудбалер оваа сезона е прва во професионалниот фудбал, а покрај Јунајтед го привлече вниманието уште на Ливерпул, Арсенал и Манчестер Сити. Редовно настапува за повозрасните селекции на Англија, па наскоро се очекува да го видиме и во онаа до 21 година.