На денешен ден пред една година Ливерпул последен пат изгуби во Премиер лигата

Со победата против Шефилд (2:0) фудбалерите на Ливерпул ја продолжија низата на непобедливост во Премиер лигата на 37 натпревари и тоа е трета најуспешна низа во ова натпреварување.

Пред Ливрпул се само Челзи со 40 и рекордерот Арсенал со 49 натпревари.

Ливерпул последен пат изгуби на 3. јануари минатата година од Манчестер Сити и од тогаш во Премиер лигата никој не се радувал против машинеријата на Клоп.

Шампионот на Европа и светот убедливо е прв после 21 коло во Премиер лигата со 13 бодови повеќе од второпласираниот Лестер и натпревар помалку. Ливерпул сигурно чекори кон титулата на која чека 30 години.

Можат ли до неа без пораз како славната генерација на Арсенал?