Мане и ВАР му донесоа победа на Ливерпул (видео)

Ливерпул продолжува да реди победи, откако попладнево потешко од очекуваното го победи Вулверхемптон со 1:0 на „Енфилд“.

Херој за „црвените“ овој пат беше Садио Мане, кој го постигна победоносниот гол, но во фокусот беше и ВАР системот.

Најптрво судијата со помош на ВАР го призна гол на Сенегалецот, а во последните моменти од првиот дел беше видена интересна ситуација.

Имено, „волците“ израмнија со голот на Нето, но ВАР пресмета милиметарски офсајд, па голот беше поништен и на одмор се замина со предност на домаќините.

Во вториот дел гостите играа храбро, создадоа многу шанси, но немаше промена на резултатот, па Ливерпул со победа ја заврши фантастичната година.