Ракометарите со победа над Романија го освоија „Трофејот Карпати“

Ракометната репрезентација на Македонија го освои  турнирот „Трофеј Карпати“ со победата над домаќинот Романија со резултат 24:20.

Во првото полувреме домаќините беа оние кои го диктираат темпото, а со тоа и резултатот, па на одмор заминаа со два гола предност 12:10.

Во првите петнаесетина минути од второто полувреме противникот постигна само четири гола, а нашите ракометари го искористија тоа за да направат пресврт за конечна победа од 20:24.

На овие тест мечеви бевме без Лазаров, Талески, Кузмановски, Манасков, Ристовски, воглавно настапија помладите кои се борат за место во конечниот список патници за континенталниот собир.

 Нашиот репрезентативец Марио Танкоски е најкорисниот играч на турнирот, а Никола Митревски беше прогласен за најдобар голман.

Фото: РФМ