Сари за ждребот: Најмногу се плашевме од Реал Мадрид

Тренерот на Јувентус, Маурицио Сари се обрати за медиумите пред утрешниот натпревар на Јувентус во Серија А против Сампдорија.

Во таа прилика Сари го искоментира и ждребот за осминафиналето во Лигата на шампионите. Тренерот на Јувентус призна дека во неговиот тим најмногу се плашеле од Реал Мадрид.

„Најмногу се плашевме од Реал Мадрид и ги избегнавме. Значи можеше да биде полошо, во секој случај во Лигата на шампионите нема лесни наторевари. Меѓутоа пред Лигата на шампионите има важни натпревари и сега не размислуваме за тој натпревар, тука е и преодниот рок“, изјави Сари.

Новинарите ги интересираше дали утре ќе игра Роналдо.

„Ќе видиме, се уште не сум одлучил“, одговори стратегот на италијанскиот шампион.