Арсенал се засилува во јануари – откриена првата мета

Арсенал оваа сезона игра под своите очекувања и моментално се наоѓа на 6-то место на табелата во Премиер лигата.

Поради тоа тренерот Унаи Емери сака да го засили тимот во зимскиот преоден рок, а основна цел ќе биде засиливање на одбраната.

Англиските медиуми пренесуваат дека главна мета на „топџиите“ во зимскиот преоден рок ќе биде дефанзивецот на Виљареал, Пау Гомез.

22-годишниот Гомез веќе подолго време е следен од скаутите на Арсенал, кои дале позитивни забелешки и сметаат дека ќе биде засилување за иднината на тимот.

Дефанзивецот во својот договор со Виљареал има откупна клаузула од 43 милиони фунти, но Арсенал не е спремен да плати толкава сума за неговиот потпис.

„Топџиите“ наскоро ќе започнат преговори со Виљареал и ќе испратат првична понуда од 30 милиони евра, сума која се надеваар дека ќе ги задоволи апетитите на „жолтата подморница“.