Тричко постигна хет-трик за 19 минути! (ВИДЕО)

Македонскиот репрезентативен напаѓач Иван Тричковски постигна хет-трик за само 19 минути во ремито на АЕК Ларнака против Енозис Паралимни во седмото коло од кипарското првенство.

Тричковски така стигна до деветтиот гол сезонава во кипарскиот шампионат, а вкупно 14 погодоци, откако даде пет на квалификациите за Лига Европа.

Македонскиот фудбалер ја погоди противничката мрежа во период од 46. минута до 65. минута, а два гола од нив беа пенали, но ниту тоа не му помогна на неговиот тим да ги освои трите бода.

АЕК во моментов е второпласиран со 11 бодови, но АПЕОЛ има одиграно само три меча и максимални девет бода.