Гигс: Би сакал да кажам дека Роналдо е најдобар ама Меси е гениј

Легендарниот фудбалер на Манчестер Јунајтед, Рајан Гигс беше дел од златното време на овој тим од ерата на Сер Алекс Фергусон.

Гигс во дресот на Манчестер Јунајтед ја помина целата своја кариера и освои се што можеше да се освои. Откако пред пет години ја заврши кариерата одлучи да се посвети на тренерската работа и во овој момент е селектор на Велс.

Велшанецот во Манчестер Јунајтед играше со фантастични фудбалери, беше и дел од тимот кога во Јунајтед настапуваше Кристиано Роналдо.

Во разговор за магазинот „ДАЗН“ доби прашање да избере кој е подобар играч, Роналдо или Меси.

„Многу е тешко да се споредуваат Роналдо и Меси. Би сакал да кажам дека Роналдо е најдобар бидејќи играв со него и го гледав како се развива, но Меси едноставно е гениј. Меси е тип на играч каков што се појавува само еднаш во историјата. Тешко е да се одлучи помеѓу нив двајца, меѓутоа едноставно со Меси не може никој да се споредува“, изјави Гигс.