Дали Конте погреши? Летното засиливање на Интер заминува во јануари

Играчот за врска Валентино Лозаро по само неколку месеци би можел да го напушти Интер, пренесуваат талијанските медиуми.

Австрискиот репрезентативец ова лето на „Џузепе Меаца“ пристигна како засилување платено повеќе од 20 милиони евра, но оваа сезона тој на теренот помина само 41 минута.

„Калчомеркато“ пишува дека во Интер размислвуаат на можноста 23-годишниот играч да го испратат на позајмица, а следна дестинација најверојатно ќе биде Херта, чиј дрес го носеше претходно.

Против таква идеја очигледно не е ниту Лазаро, особено бидејќи во Херта ќе има значително поголема минутажа, а за своите амбиции неодамна и самиот изјави дека сака да напредува.

Лозаро инаку има договор со Интер до 2023 година и во Милано пристигна по барање на Антонио Конте.