Соиграчот на Елмас признава: Се карав со Анчелоти, имаме чуден однос

Уште на крајот на минатата сезона се појавиле тензии на реалција Лоренцо Инсиње – Карло Анчелоти. И сезонава нивниот однос е комплициран, а Инсиње често знае да биде на клупата за резерви, иако сите ги знаат неговите квалитети.

Се најде и на трибините, на мечот меѓу Наполи и Генк, а италијанските медиуми откриваат дека имало караница меѓу него и Анчелоти.

„Мојот однос со Анчелоти е малку чуден, зашто сите знаат дека имавме караници, но тоа е поради нашите карактери. Анчелоти е одличен тренер и навистина се надевам дека заедно ќе победуваме. Во текот на претходните две години, кога доцнев на тренинг или доаѓав нервозен, знаев да одговорам на некоја од неговите критики, но таквите инциденти завршија“, открива Инсиње.