Гвардиола: Разликата е голема, но сега сме октомври

Тренерот на Манчестер Сити, Пеп Гвардиола верува дека неговиот тим може да го стигне Ливерпул во трката за титулата во Премиер лигата.

Актуелниот шампион во неделата го претрпе вториот пораз во домашното првенство, бидејќи на свој терен загуби од Волвс со 2:0. Екипата на Гвардиола сега заостанува осум бода зад лидерот Ливерпул, кој славеше во сите осум натпревари. Тоа е најголемата разлика која постоеше помеѓу првиот и вториот тим на табелата по осум кола.

„Верувам дека моите момците можат се. Знам дека разликата во овој момент е голема. Од многу причини Ливерпул се уште не испушти бод. Но, не сакам да размислувам за тие осум бода. Сега е октомври, има уште многу пред нас“, изјави Пеп.

Минатата година Ливерпул имаше седум бода повеќе од Сити, но по 20 одиграни натпревари. „Црвените“ и „Граѓаните“ првиот натпревар оваа сезона ќе го одиграат на 10. ноември.