Игуаин ги откри плановите за продолжување на кариерата

Аргентинскиот фудбалер, Гонзало Игуаин денеска изјави дека ужива во Јувентус, но би сакал кариерата да ја заврши во Ривер Плата, таму каде што и ја започна.

„Иднината е неизвесна. Имам уште две години договор, па ќе видиме. Многу сум поврзан со Ривер, ги гледам натпреварите и среќен сум кога им оди добро. Да бидам искрен, не знам што ќе се случи. Во моментов сакам да продолжам да уживам во Јувентус“, изјави 31-годишниот Аргентинец.

Игуаин кариерата ја започна во Ривер, пред да се пресели во Реал во јануари 2007. година. Потоа играше за Наполи и Јувентус, а летово се врати во торинскиот клуб по позајмицата во Милан и Челзи.