Главната мета на Клоп за јануари – „новиот Кутињо“

Jирген Клоп верува дека има играч кој би можел да биде еден вид наследник на Фелипе Кутињо во црвениот дрес.

Плејмејкерот на „лисиците“ одлично игра на почетокот на сезоната, а интерес за него веќе покрај Ливерпул покажаа Јунајтед и Тотенхем. Сепак, се верува дека идеално би се вклопил во системот на игра кој го форсира германскиот тренер.

„Џејмс Медисон, апсолутно е играч за Ливерпул, тој може да биде новиот Кутињо. На многу начини е сличен на него, може брзо да трча со топката, може да види додавање кое другите не го гледаат, постигнува и фантастични голови“, изјави фудбалскиот критичар, Ноел Велан.

Медисон е се уште млад играч, има 22 години, но својот голем потенцијал го покажа уште минатата сезона, оваа сезона очигледно на стартот направи исчекор. Вредноста на Медисон расте, па Лестер би можел добро да заработи и ако го продаде во јанаури.

Лестер го доведе во 2018 година од редовите на Норвич за сума од 25 милиони евра. Сега сигурно може да го продадат барем за двојно поголема сума