Се е спремно за првиот голем трансфер на тимот на Бекам

Се е спремно за првиот голем трансфер на Интер Мајами кој е во сопственост на Дејвид Бекам.

„AС“ пишува дека првото големо засилување на клубот кој во МЛС ќе се натпреварува од 2020 година ќе биде Едисон Кавани, еден од најдобрите светски напаѓачи.

Договорот на Кавани со ПСЖ истекува во јули 2020 година после што би требало да се придужи на Интер Мајами.

Кавани во Европа игра од 2006 година кога пристигна во Палермо. Во изминатите 13 години тој оставил длабока трага на Стариот Континент играјќи уште за Наполи и ПСЖ.

На 32 години Уругваецот одлучил негова наредна дестинација да биде МЛС каде што би пристигнал како слободен играч.

Со оглед на својата репутација и квалитет Кавани веднаш би станал една од најголемите ѕвезди во САД.