„Марка“: Зидан до крајот на преодниот рок има само уште една желба

Реал Мадрид ова лето доведе неколку звучни засилувања, но изгледа дека преодниот рок за „кралевите“ се уште не е завршен.

„Кралевите“ баш и не покажаа премногу во досегашниот дел од припремите, а доживеаа и срамен пораз од Атлетико Мадрид со 7:3. Зидан порача дека тимот ќе изгледа подобро на стартот од сезоната, но очигледно е дека потребни му се засилувања.

Со Реал се поврзуваат неколку играчи, помеѓу нив е и Пол Погба кој подолго време е желба на Зидан. Нејмар исто така се поврузваше одреден период со Реал, но засега трансферот на Бразилецот не изгледа како реална опција.

Реномираната „Марка“ пренесува дека Зидан разговарал со Перез и отворено му кажал да не се обидува ништо околу Нејмар и да се насочи кон Погба бидејќи францускиот стратег се уште смета дека тој е играчот кој му недостасува на неговиот тим.

Погба не играше во претходниот натпревар на Манчестер Јунајтед и се шпекулира дека на тој начин играчот за врска покажал дека сака трансфер во Мадрид.

Последната понуда за која се пишуваше во медиумите изнесуваше 27 милиони фунти и Хамес Родригез, меѓутоа на „Олд Трафорд“ експресно ја одбија.