Официјално: Ајакс ја доведе замената за Де Лихт

Ајакс ќе има променет тим во наредната сезона, а сега стигна и засилувањето кое би требало да биде замена за Матијас Де Лихт кој направи трансфер во Јувентус.

Де Лихт денес беше претставен пред навивачите на Јувентус, а Ајакс денес го потврди трансферот на играчот кој ќе биде негов наследник.

Станува збор за Едсон Алварез кој го носеше дресот на Клуб Америка. Тој денес пристигна во Амстердам.

Алварез игра како стопер, но исто така без проблем може да ја покрива позицијата и на десен бек.

Како што наведуваат од Ајакс Алварез ќе потпише договор на пет години, а во наредните денови овој играч ќе биде и официјално претставен.

Someone new is on his way…??#VamosEdson

— AFC Ajax (@AFCAjax) July 19, 2019