Готово: Ел Шарави се сели во Кина!

Ѕвездата на Рома и повремен италијански репрезентативец, Стефан Ел Шарави кариерата ќе ја продолжи во Кина, во дресот на Шангај Шенхуа.

Ел Шарави ќе заработи неверојатни 40.000.000 евра за три години. Тоа значи дека италијанскиот репрезентативец ќе добива по 13.000.000 евра на годишно ниво.

26-годишниот напаѓач не можеше да ја одбие оваа понуда па реши да се пресели во Кина, а синоќа Рома и Шангај конечно постигнаа договор околу обештетувањето.

„Волчицата“ за Ел Шарави ќе добие 18 милиони евра, од кои 16 милиони веднаш и 2 милиони како бонуси.

Рома го донесе Ел Шарави во јануари 2016 од Милан за 14.400.000 евра. Минатата сезона во Серија А одигра 28 натпревари и постигна 11 голови.