Барселона потврди: Дембеле сигурно останува!

Претседателот на Барселона, Жосеп Марија Бартомеу, во разговор за „Марка“ изјави дека Осман Дембеле сигурно ќе остане на „Камп Ноу“.

Францускиот талент изминатите месеци повеќе беше на насловните страни поради недисциплината отколку поради добрите игри.

Поради тоа медиумите шпекулираа дека раководството на Барселона го загубило трпението и дека е спремно да го продаде 22-годишниот Французин.

Дембеле е на мета на неколку европски гиганти, а во последните денови се поврзува со трансфер во Ливерпул, кој наводно е спремен да понуди 100 милиони евра за неговиот потпис.

Сепак, првиот човекк на Барселона тврди дека Дембеле сигурно ќе остане на „Камп Ноу“.

„Ќе продолжиме заедно и следната сезона. Дембеле не е на продажба“, изјави Бартомеу.