Претседателот на ПСЖ: Мбапе останува 200%

Младата ѕвезда на Пари Сент Жермен, Килијан Мбапе ќе остане во клубот и следната сезона.

Ова денес го потврди претседателот на „светците“, Насер Ал-Келаифи кој зборуваше за целосната ситуација во клубот.

„Мбапе 200% ќе остане во клубот и следната сезона“, изјави Келаифи, кој потврди дека клубот повеќе нема да прави компромиси и бара засилување на дисциплината.

„Не сакам веќе да се однесуваат како ѕвезди. Играчите мораат да превземат повеќе одговорност за разлика од порано. Се треба да биде потполно различно. Мора да се работи повеќе и понапорно… Не се овде дојдени за да уживаат. Ако не се служуваат со ова, вратата им е отворена. Не сакам да се однесуваат како ѕвезди“, изјави првиот човек на ПСЖ.