Циркус во африканската ЛШ: ВАР не работеше, натпреварот се прекина, титулата доби „скандалозен“ сопственик (видео)

Екипата на Есперанс де Тунис е нов шампион на Африка по победата од 1:0 против Видад Казабланка во контроверзното финале од африканската Лига на шампиони.

Во првиот натпревар од финалето на Африканската Лига на шампиони, Казабланка и Есперанс одиграа без победник 1:1, па со вкупен резултат од 2:1, тунискиот тим дојде до четвртата титула во ова натпреварување, но натпреварот предвреме заврши поради инцидентите на гостинските фудбалери.

Спорен момент се случи во средината на второто полувреме, кога Видад постигна гол за 1-1. Судијата го поништи погодокот поради офсајд, а потоа сакаше да го употреби ВАР системот за да ја провери својата одлука.

Меѓутоа, ВАР ситемот беше расипан, па не можеше да се види спорниот момент и одлучи да остане на првичната одлука, да го поништи голот. Тоа ги разбесни мароканските фудбалери кои не сакаа да го продолжат натпреварот и заедно со тренерите почнаа да го бркаат главниот судија.

Esperance de Tunis vs Wydad Casablanca :

Wydad score in the 58th minute to make it 1-1.

The goal is ruled offside. Referee doesn't consult VAR since its not working.

Play suspended for over an hour

Wydad refuse to play, Tunis are crowned CAF Champions League winners. Chaos pic.twitter.com/DeYbeK6mOE

— Swype Sports ™ (@SwypeSports) June 1, 2019

Фудбалерите на Видад цел час само стоеја на теренот. Делегатот одлучи дека натпреварот е завршен и титулата му припадна на Есперанс, иако на снимката се гледа дека голот е регуларен.

https://youtu.be/GcduUwrWNTo