Леверкузен го исмејува Ливерпул и табелата без никаква смисла која ја направи „ЕСПН“

Англиските медиуми вчера објавија интересно истражување кога во прашање е бодувањето на екипите во Премиер лигата.

Премиер лигата заврши минатиот викенд, а Манчестер Сити успеа да ја одбрани титулата шампион на Англија со еден бод повеќе од второпласираниот Ливерпул.

„Црвените“ скоро 29 години чекаат на титула шампион на Англија и тоа сигурно е најголемата рана на навивачите на овој клуб. Англискиот „ЕСПН“ вчера објави табела на бодување според која Ливерпул би бил шампион.

Имено, тие направија табела во која головите од поголема далечина се сметаат двојно .Во тој случај Ливерпул би бимал 99 бодови, а Манчестер Сити 98.

Но, оваа табела наиде на исмејување во јавноста, а сега се огласи и Баер Леверкузен кој преку својот Твитер профил испрати порака.

„Ние би ја освиле Премиер лигата ако нашите бодови се сметаа двојно во Англија“, порачаа од Леверкузен.

Секако, тие сакаа да испратат порака дека правењето вакви табели нема никаква смисла.

We would’ve won the 2018-19 Premier League title if our points were worth double in England https://t.co/TLruLlRnjB

— Bayer 04 Leverkusen (@bayer04_en) May 17, 2019