Нема „предавнички“ трансфер: Бразилецот со две фотографии демантираше се

Вчера во бразилските медиуми се појавија интересни шпекулации, а набрзо се проширија и во британските.

Во медиумите се појавија информации дека Јирген Клоп се сретнал со менаџерот на одличниот Бразилец од Евертон, Ричарлисон и дека Ливерпул ќе се обиде во летниот преоден рок да го доведе во своите редови.

Преминувањето на Ричарлисон од Евертон во Ливерпул би бил навистина изненадувачки трансфер бидејќи станува збор за големи градски ривали и нема многу играчи низ минатото кои направиле директен трансфер од едниот во другиот табор.

Веднаш започнаа да се споменуваат и бројки и се пишуваше дека Ливерпул за трансферот на Ричарлисон би можел да издвои сума од околу 80 милиони евра, па дури и нешто повеќе,

Ричарлисон игра навистина одлично во дресот на Евертон и според пишувањето на англиските медиуми Клоп го сметал за идеален играч за системот на игра кој го форсира.

Сепак, навивачите на Ливерпул нема да бидат среќни од објавата која се појави утрово на профилот на Твитер на Бразилецот. За разлика од нив оние на Евертон можат да бидат мирни, барем засега.

Ричарлисон на својот профил објави две фотографии. На едната е во прв план грбот на Евертон, а на другата момент кога постигнува гол. Под фотографиите стои краток опис: Среќен сум.

I'm happy pic.twitter.com/SwQah02hLT

— Richarlison Andrade (@richarlison97) April 4, 2019