Меси е чудо: Ист стадион, ист противник, иста минута како и пред две години! (ВИДЕО)

Фудбалерите на Барселона вчера со многу среќа избегнаа пораз на гостувањето против Виљареал.

Виљареал имаше водство од 4:2 се до 90-та минута, а тогаш на сцена стапија Лионел Меси и Луис Суарез. Прво во 90-тата минута Меси постигна фантастичен гол од слободен удар, а четири минути подоцна Луис Суарез ги постави конечните 4:4.

Меси голови од слободен удар постигнуваше на претходните три натпревари и покажа дека тоа се негова специјалност. Но, неверојатно е дека вчера се повтори баш иста сцена како и пред две години во натпрерот против Виљареал.

Имено, Меси постигна идентичен гол како и пред две години на истиот стадион, против истиот клуб, на истиот начин и во истата минута – навистина неверојатно!