Шпанскиот фудбалер Хуан Мата го пофали својот соиграч Пол Погба после синоќешната победа на Манчестер Јунајтед против Челси во ФА Купот.
Зошто проблемот со улични кучиња СÈ УШТЕ постои? | Уште еден поткаст
Да потсетиме, Црвените ѓаволи го победија Челси на Стемфорд Бриџ со 2:0 во осмина финалето во ФА Купот, а стрелец на еден од двата гола беше Погба. Покрај тоа, Французинот прикажа одлична партија во текот на целиот натпревар и собра бројни аплаузи од фудбалската јавност.
Еден од оние кои многу го почитуваат е Мата.
„Одлично асистираше кај првиот гол и го постигна вториот. Дури и во второто полувреме, после 85 минута се уште бранеше и одеше напред. Тој е комплетен играч. Добро подготвен, има квалитет, пас, може да игра од шеснаесетник до шеснаесетник. Тој е еден од најдобрите, а денеска покажа зошто.“ – изјави Мата.
Инаку, Мата исто така беше во првата постава, а на теренот помина 76 минути.
Своја изјава по натпреварот даде и самиот Погба:
„Ние сме Манчестер Јунајтед и секогаш играме на победа. Солскјер дојде тука затоа што знае дека може да ги оствари своите замисли и ние го поддржуваме и во целост му веруваме. Одигравме одлично против Челзи, запишавме уште една тимска победа, нормално дека сме задоволни. Кога Оле верува во нас, ние веруваме во него и му возвраќаме со играта на теренот. Тимот ми помага да бидам подобар и да го давам најдоброто од себе. Во овие моменти буквално уживаме на теренот.“
Од доаѓањето на Солскјер на клупата Погба на 12 натпревари постигна девет погодоци и запиша шест асистенции, а беше избиран и седум пати за играч на натпреварот.
Учество во игри на среќа е дозволено за лица со 18+ години. Играј одговорно!