Манчестер Јунајтед сакаше да го продаде Валенсија, но тој одбил да си оди

Манчестер Јунајтед оваа зима не беше активен на трансфер пазарот.

Оле Гунар Солскајер ја води екипата на одличен начин, па управата на тимот процени дека нема никакви потреби да се доведуваат нови фудбалери и дека сезоната може успешно да се заврши со постојаниот кадар. Сепак, она што е добра вест е тоа што Марсијал го продолжи договорот, а вистинските засилувања на „Олд Трафорд“ се очекуваат во текот на летото.

Најавени се и одредени заминувања од „Олд Трафорд“. Меѓу првите ќе си замине и капитенот на клубот, Антонио Валенсија чиј договор истекува на крајот на сезоната и истиот нема да биде продолжен. Искусниот 33-годишен фудбалер беше на продажба и во јануарскиот трансфрер период. Њукасл и Фулам покажаа интерес за неговото доведување, но Валенсија одби да си замине.

Тој сака до крајот на сезоната да биде член на Манчестер Јунајтед и во стил да го заврши својот престој на „Олд Трафорд“, каде што веќе 10 години е во дресот каде што одгира 338 натпревари. Валенсија така како слободен играч на лето ќе има шанса да избере нов клуб, а во следните денови Јунајтед ќе го напушти и Фелаини, кој кариерата ќе ја продолжи во Кина.