Ја изненади цела Европа кога ја избра Кина, сега сака да се врати и за помала плата

Поранешниот фудбалер на Атлетико Мадрид, Јаник Караско судејќи според се после само една година ќе го напушти кинескиот Далијан Јиафанг и ќе се врати во Европа.

Караско во јануари минатата година ја изненади фудбалската јавност кога одлучи да го напушти Атлетико Мадрид и кариерата да ја продолжи во Кина иако има само 25 години, првата година за Караско не беше баш година за паметење и постигна скромни седум погодоци.

Очигледно Белгиецот не е задоволен од ситуацијата во Кина и неодамна призна дека му недостасува фудбалот на највисоко ниво во Европа. Англиските медиуми објавија пред неколку дена дека постои голема можност да го гледаме во Премиер лигата.

Иако претходно се поврзуваше со Манчестер Јунајтед, сега се појави вест дека Арсенал е вклучил во трката за неговиот потпис.

Белгиецот во Кина заработува околу девет милиони евра што е проблем во преговорите бидејќи тешко дека некој клуб ќе се согласи да му ја исплаќа истата плата. Но, како што пишува „Мирор“ фудбалерот е спремен и на намалување на платата за да се врати во Европа.