УЕФА со жестока казна за Вардар – условна суспензија на две години и 100.000 евра!

Најтрофејниот македонски клуб Вардар се соочува со двогодишна забрана за настап во европските натпреварувања.

Имено, дисциплинската комисија во УЕФА задолжена за Финансискиот фер плеј го суспендираше македонскиот клуб заедно со бугарскиот Левски, додека Спортинг Лисабон помина само со финансиска казна.

Вардар е условно казнет, односно исфрлен од европските натпреварувања во наредните две години, доколку до 31 јануари 2019 година не ги исплати заостанатите долгови, а освен тоа ќе мора да платат и казна од 100.000 евра. УЕФА не го откри долгот на Вардар.

Ваквиот развој на настаните ќе биде дополнителен товар за клубот, кој има заостанати долгови кон сегашните и поранешни фудбалери и работници во клубот.