Барселона преговара за две ѕвезди на Ајакс

Барселона покажува силен интерес за двајцата фудбалери на Ајакс, Матијас де Лихт и Френки де Јонг, пренесуваат каталонските медиуми.

Двајцата холандски репрезентативци играат фантастична сезона во Ајакс и го привлекоа вниманието на многу европски гиганти, па Барселона сака да ја победи конкуренцијата.

Каталонските медиуми тврдат дека раководството на Барселона веќе ги започнало преговорите со холандскиот гигант и сака што е можно побрзо да постигне договор за трансфер следното лето.

Ајакс за слободата на своите фудбалери бара 150 милиони евра, меѓутоа Барса се обидува да ја намали таа сума преку преговори.