Гатузо и Милан на „шопинг“ на „Стенфорд Бриџ“?

Милан е во голема криза што се однесува на играчите.

Половина од тимот се повредени, па „Росонерите“ одлучија да побараат решение за оваа ситуација во јануари. Се пишуваше за многу фудбалери кои би можеле да го засилат тимот од „Сан Сиро“, навивачите со нетрпение го чекаат Ибрахимовиќ, а многумина би сакале да видат уште едно засилување од Челзи.

Станува збор за Андреас Кристенсен, стоперот на „Сините“ кој нема голема минутажа, а Сари наводно нема ништо против тоа да го испрати во Милано на позајмица. Трансферот е потешко да се направи поради финансискиот фер-плеј, но позајмица би можела да им помогне на двете страни.