Ешли Јанг се сели во Серија А?

Раководството на Рома е силно заинтересирано за играчот на Манчестер Јунајтед, Ешли Јанг во зимскиот преоден рок, пренесуваат англиските медиуми.

33-годишниот Јанг е стандарден оваа сезона во Манчестер Јунајтед, но неговиот договор истекува на крајот на сезоната. Преговорите околу продолжувањето на соработката се во застој, па „волчицата“ сака да ја искористи таквата ситуација.

Рома сака да го доведе Англичанецот уште во јануарскиот преоден рок и спрема симболична понуда за „црвените ѓаволи“. Сепак, тешко е да се поверува дека Мурињо ќе дозволи негово заминување на средина од сезоната.

Ешли Јанг пристигна на „Олд Трафорд“ во 2011 година како крилен фудбалер, а оваа сезона Мурињо го користи на бековските позиции.