Роналдо се пофали самиот себе, но испрати и комплимент до Меси

Кристиано Роналдо најмногу се сака самиот себе и тоа го покажал многу пати досега, но и не може да му се замери – човекот освои пет „Златни топки“ исто колку и неговиот најголем ривал Лионел Меси.

Каков точно однос има помеѓу нив веројатно никогаш нема да дознаеме, но ако ништо друго знаеме барем дека Португалецот има почит кон Аргентинецот.

„Колку играчи можат да играат на највисоко ниво десет или повеќе години? Тоа сме само јас и Меси“, изјави Роналдо во интервјуто за „Франс Фудбал“.

Овие негови зборови звучат навистина силно. Посебно ако знаеме дека Роналдо не е човек кој знае да дели комплименти, посебно не кон најголемиот ривал.

Но, не би бил Роналдо тоа што е доколку не каже нешто и за самиот себе.

„Во мои години ниту еден играч не прави трансфер од еден голем клуб во друг за сто милиони евра. Ова го кажувам со огромен респект кон играчите кои одат во Кина, САД или Индија да ја завршат кариерата“, порача Португалецот.